Başlıqdan da aydın olduğu kimi aybaşını geçikdirən bəzi üsulların olduğu məlumdur. Aybaşı olmağımızın əsas səbəbləri estrogen və progestron hormonlarımızdır. Hər ay bədənimiz yumurtalarımızın yetişməsi üçün ovulasiya mərhələsində estrogen hormonunun ifrazı üçün hərəkətə keçir. Luteal fazada yumurtalarımızın tam olqunlaşdığı dövrdə isə bədənimiz progestron hormonunu ifraz etməyə başlayır.

Menstruasiya sağlam bir reproduktiv dövr üçün vacibdir. Ancaq bəzən ətraf mühidin təsiri və ya müxtəlif ani qərarlaşdırdığımız tətil planları mentruasiyanın gecikdirilməsini arzu edilən edir.

Menstruasiya gecikdirən təbii yollar

Əlbəttə ki, təbabətdə menstruasiyanın gecikməsinə təsir edən bitkilər mövcuddur, ancaq onların məsələyə 100% həll yolu tapdığını deyə bilmərik. Bitkilər fiziologiyamıza görə insandan insana fərqli xüsusiyyətlər göstərə bilər. Hətta bədənimizə yad olan bir bitkinin istifadəsi xoşagəlməz nəticələrlə qarşılaşmağımıza səbəbiyyət də verə bilər. Dərman istifadə etmədən menstruasiya gecikməsinə səbəb olduğu deyilən bitkilərin elmi olaraq tam bir izahı hələ ki mövcud deyil. Lakin aşağıda sadaladıqlarım menstruasiyanın gecikməsinə müsbət təsir edə bilər:

• Darçın,

• Zəncəfil,

• Civan pərçəmi,

• Cəfəri çayı,

• Rozmarin,

• Böyürtkən yarpaqları,

• Alma sirkəsi

• Xiyar

• Qarpız

• Mərcimək

• Limon suyu

• Xardal toxumu

Xardal toxumu - Bir qaşıq dolusu xardal toxumunu bir gecə suda/süddə islatmaq və gözlənilən tarixdən bir həftə əvvəl içmək faydalı ola bilər. Antioksidantla zəngin çia toxumları da oxşar şəkildə faydalı ola bilər.

Bir çox idmançı izlədikləri ekstremal məşqlərə görə tez-tez dövrlərini qaçırdıqları üçün  ciddi məşqlərin bəzi hallarda dövrləri təxirə sala biləcəyi deyilir. Bununla yanaşı idmanın dövrləri gecikdirmək əvəzinə nizama sala biləcəyini göstərən elmi sübutlar da var.

Uterus masajı da nəzərə alınmalı bir seçim ola bilər. Bu yalnız çox sakitləşdirici və rahatlatıcı deyil, həm də mütəxəssislərin fikrincə, menstruasiyanı gecikdirmək və ya dövrü təxirə salmaq üçün bir hilə kimi istifadə edilir.

Qeyd: Yuxarıda sadalağım bəzi təbii həll yollarını menstruasiyanızın başlamasına ən gec bir həftə əvvəl başladığınızda hər hansısa bir nəticə əldə edə bilərsiniz.

Menstruasiya gecikdirən dərmanlar

• Noretisteron

• Bəzi ölkələrdə ticari preparat adı Primolut

Menstruasiya gecikdirici dərmanlara period başlamadan ən gec 3 gün əvvəl başlamalıdır. Bir tablet gündə üç dəfə qəbul edilməlidir.

(bu hər bir dərmana aid edilə bilməz). Dərman 20 günə qədər istifadə edilə bilər. Siz dərmanı istifadə edərkən menstruasiya gecikəcək. Dərmanı dayandırdıqdan iki və ya üç gün sonra menstrual qanaxma yenidən başlayacaq. Bu menstrual qanaxmanın normaldan daha çox olması gözlənilir.

Noretisteron ümumiyyətlə təhlükəsiz hesab edilsə də, menstruasiya gecikdirmək üçün müntəzəm istifadəsi tövsiyə edilmir.

Əks faktorları həddən artıq çoxdur, buna görə də ancaq həkim məsləhəti ilə qəbul edilə bilər.

Əks faktorlar

Hər hansı bir hormon tərkibli dərman kimi, bu dərmanların da yan təsirləri ola bilər. Bu yan təsirlər dərman dayandırıldıqda və menstruasiya öz müntəzəmliyinə qayıtdıqda normallaşacaq. Yan təsirlər menstruasiya bitdikdən sonra ləkələnmə, qanaxma və ürəkbulanma, qusma, halsızlıq şəklində görünə bilər. Hər bir dərmanda olduğu kimi, bu dərmanlarda da allergik reaksiya qarşılaşdığımız yan təsirlərdən biridir və təəssüf ki, bunu proqnozlaşdırmaq mümkün deyil.

Menstruasiya gecikmələri progesteron hormonunu təşkil edir. Bu dərmanın istifadəsi uyğun olmayan xəstələr aşağıdakılardır;

• Qaraciyər şişi olan xəstələr

• Döş xərçəngi xəstələri,

• Hamiləlik dövründə sarılıq keçirən xəstələr,

• Ağır damar xəstəlikləri olan xəstələr,

• Hamilə və ya hamilə ola biləcək xəstələr,

• Ana südü verən qadınlar,

• Ginekoloq tərəfindən qiymətləndirilməmiş anormal vaginal qanaxması olan xəstələr,

• Döş xərçəngi olduqda,

• Ginekoloji xərçəngin olması halında,

• Qan laxtalanması nəticəsində angina, infarkt və ya iflicdən əziyyət çəkən xəstələr

Ən çox verilən suallar:

Menstruasiya gecikdirən dərmanların istifadəsi sonsuzluğa səbəb olurmu?

Menstruasiya gecikdirən dərmanların hormonal problemə səbəb olduğu hələ sübut olunmayıb və onlar özbaşına sonsuzluğa səbəb olmur. Ancaq uzun müddətdən çox istifadə edildikdə, yumurtalıq və uşaqlıq arasındakı dövrü poza bilər və hamilə qalmağı çətinləşdirə bilər. Bu səbəbdən ildə ən çox 1 və ya 2 dəfə həkim nəzarəti altında istifadə edilməsi məsləhətlidir.

Aybaşı nə qədər gecikdirilə bilər?

Menstruasiya gecikdirici dərmanlarla aybaşını maksimum 10 gün gecikdirmək məqsədə uyğundur. Bu dərmanlar təbii menstrual dövrü pozduğu üçün onları 10 gündən çox istifadə etmək tövsiyə edilmir.

Qeyd: Noretisteron kimi dərmanların bəzən 20 günə kimi təsir etdiyi də izlənilmişdir.

Hamiləlikdən qoruyurmu?

Menstruasiyanı gecikdirən bu növ dərmanlar yumurtlamanın qarşısını almır. Menstruasiya geciksə belə, yumurtlama davam edir. Buna görə də  onlar özbaşına kontraseptiv təsir göstərmirlər. Bu dövrdəki münasibətlərdən hamiləlik baş verə bilər.

Menstruasiya gecikməsi kimi istifadə olunan başqa üsullar varmı?

Bəzi doğuşa nəzarət dərmanları və Mirena kimi intrauterin hormonal spirallar menstruasiyanı dayandıra, daha az qanaxmaya səbəb ola və ya menstruasiyanı gecikdirə bilər.

DİQQƏT: Daha sağlam qalmaq və düzgün məsləhət almaq üçün həkim məsləhəti vacibdir. Heç bir web səhifə sizi həkimizdən daha çox tanımır.