Menstruasiya öncəsi tədbirlər

Hər an xəbərsiz bir qonağın qapımızı çalmağına hazırlıqlı olmalıyıq. Çünki biz qadınlarda, menstruasiya özünü istəmədiyimiz və ya heç gözləmədiyimiz bir vaxtda büruzə verə bilir. Belə olduğu təqdirdə tədbiri əldən verməmək üçün öncədən hazırlıq etməkdə fayda var. İstifadə etdiyiniz vasitələrin əlinizin altında olması çətin zamanlarda köməyinizə çox tez çatacaq. Gigiyenik pedlər, tamponlar, əlavə bir alt paltarı menstruasiya vaxtınıza yaxın, yəni ən az üç-dörd gün öncədən çantanızda öz yerini almalıdır.

Tələbələr və ya məktəblilər

Çantanızda pedlərin və ya tamponların daşınması sizi narahat edə bilər. Bu narahatçılığı aradan qaldırmaq üçün parça cüzdanlar və ya parça qablar ən yaxşı görünməz və təhlükəsiz vasitələrdir. İstifadə etdiyiniz gigiyenik pedlərin və ya tamponların başqa xarici əşyalarla təmasda olmaması bizim bakteriyalardan və viruslardan qorunmağımıza kömək olacaqdır.

Həssas günlərinizi siz idarə edin

Yumurtalama dönəminizi izləmək və periodunuzu unutmamaq üçün müxtəlif proqramları İOS və ya Android vasitələrinizə yükləyə bilər və oradan menstrual vaxtınızı izləyə bilərsiniz.

Gigiyenik vasitələr

Pandemiya dövründə virusdan qorunmaq üçün bütün günü çantamızda, ofisimizdə, maşınımızda istifadə etdiyimiz etanollu gigiyenik vasitələri artıq çox yaxşı tanıyırıq. Nəinki aybaşı zamanı, hətta normal günlərimizdə belə bu kimi spirtli sulu salfetlərdən və gigiyenik vasitələrdən həssas bölgələrimizi təmizləmək üçün istifadə etməkdən uzaq durmalıyıq. Onun yerinə intim bölgə təmizliyi üçün xüsusi olan gellərdən və ya çay ağacı yağlı lasionlardan istifadə edilməsi məsləhətlidir. Bu həm də ped istifadəçilərinin səpkilərini və açılmalarının qarşısını almaq üçün ən yaxşı təmizlik üsuludur.

Yuxusuzluq

Yolunda getməyən və ya üzərinizdə hər hansısa bir işlə bağlı təzyiqin çox olduğu bir vaxtlardasınızsa, (bunlara imtahan stressi, hansısa bir iş müsahibəsinə hazırlıqlar da aid edilə bilər) menstruasiyadan qabaq yuxu sisteminizi nizama qoymağa çalışın. Yuxusuzluq və bu sistemin pozulması menstruasiyaya təsir edən əsas amillərdəndir. İsti bir duş alaraq bədəninizi rahatlada bilər və ya yorğan altında çox vaxt keçirərək isti mühitin əzələlərinizi rahatlaşdırmağına icazə verə bilərsiniz. Əgər isti bir duşun sizə menstruasiya öncəsi yaxşı təsir etmədiyini düşünürsünüzsə, o zaman ayaqlarınızı isti saxlamağınız kifayətdir.

İsti su torbaları

Həssas günlərinin çox sancılı keçdiyi xanımlar, əgər menstruasiyadan qabaq bir səyahət etməyə hazırlaşırsınızsa isti su torpalarını özünüzlə götürməyi unutmayın.

Ağrı kəsici vasitələr

Bu əslində heç də düzgün bir seçim deyil. Ancaq siz ağırlarınızın şiddətli olduğundan şikayətlərinizsinizdə menstruasiyadan qabaq əzələlərinizin boşalması üçün bəzi ağrı kəsicilərin istifadəsinə başlaya bilərsiniz. Maqnezium və kalsium tərkibli tabletlərin istifadəsi məsqəsədə uyğun hesab edilir. Gün ərzində 500 gram Maqnezium və 1000 gram Kalsium qəbul edə bilərsiniz. Allergiyanız olmadığı müddətdə ibuprofen və ya naproksen tərkibli ağrı kəsicilərdən istifadə edə bilərsiniz.